ប្រាសាទបាពួន

ប្រាសាទបាពួន

ប្រាសាទបាពួន
ឈ្មោះ:	ប្រាសាទបាពួន
អ្នកកសាង:	ព្រះបាទឧទាយទិត្យវរ្ម័នទី២
កាលបរិច្ឆេទកសាង:	សតវត្សរ៏ទី១១
ឧទ្ទិសថ្វាយ:	ព្រហ្មមញ្ញសាសនា
ស្ថាបត្យកម្ម:	ខ្មែរ
ទីតាំង:	ក្រុងអង្គរ ខេត្តសៀមរាប

បា្រសាទបាពួនមានទីតាំងស្ថិតនៅផ្លូវចូលទៅកាន់ទ្វារដីឆ្នាំង ស្ថិតនៅបន្ទាប់ពីប្រាសាទបាយ័ន និងក្បែរព្រលានជល់ដំរី។ ប្រាសាទនេះកសាងឡើងនៅសតវត្សរ៍ទី១១ រវាងឆ្នាំ១០៦០ ដោយព្រះបាទឧទាយទិត្យវរ្ម័នទី២ (១០៥០-១០៦៦) ដើម្បីឧទ្ទិសថ្វាយដល់ព្រហ្មមញ្ញសាសនា។ ប្រាសាទនេះមានចំលាក់ខុសពីប្រាសាទផ្សេងៗទៀត គឺឆ្លាក់នៅលើថ្មតូចៗ ស្រដៀងនឹងឥដ្ឋ។ ចម្លាក់នេះនៅសេសសល់តិចតួចប៉ុណ្ណោះ។ ប្រាសាទភ្នំនេះមានរាង ដូចសាជីមានប្រាំថ្នាក់សំណង់ធ្វើ ពីថ្មភក់ថ្មបាយក្រៀម និងឈើមានគោបុរៈ នៅទាំងបួនទិស ព្រមទាំងមានរូបចម្លាក់ក្បាច់រចនា ល្អឆើតទាក់ទងទៅនឹងរឿងរាមកេរ្តិ៍ខ្មែរ និងមានក្បាច់ចម្លាក់ផ្សេងៗ ទៀតទាក់ទងទៅនឹងល្បែងកីឡា និងរូបព្រះពុទ្ធចូលព្រះនិពា្វនដែលគេទើបកសាងនាសម័យលង្វែក។

ប្រាសាទនេះជាប្រភេទប្រាសាទភ្នំតំណាងអោយភ្នំព្រះសុមេរុ មានកំពែងប្រវែង ៤២៥ X ១២៤ ម៉ែត្រព័ទ្ធជុំវិញ។ លក្ខណៈពិសេសមួយទៀតនៃប្រាសាទនេះ គឺផ្លូវចូលប្រវែង ២០០ម៉ែត្រ នៅទិសខាងកើត មានលក្ខណៈជាស្ពានទ្រដោយសរសរមូលបីជួរ។ នៅជាន់ទីមួយ ទីពីរ ទីបី នៃប្រាសាទមានថែវធ្វើពីថ្មភក់។

អំពីឈ្មោះប្រាសាទ

ប្រាសាទបាពួនមានឈ្មោះដើមហៅថា ត្រីភូវនចូនាមណី ដែលក្រោយមកឈ្មោះនេះនៅសល់តែភូវន តែប៉ុណ្ណោះ ហោយពាក្យថា ភូវន ក្លាយជាភូនវិញ។ ពាក្យត្រីភូវន មានន័ថាអ្នកដែលគ្រប់គ្រងលើភពទាំងបី។ ចំនែកពាក្យដែលក្លាយទៅជាពួន គឺមានន័យថាលាក់បំបាំងកាយ ដែលប្រាស់ចាក់ពីឈ្មោះដើមដែលមានន័យគ្រប់គ្រាន់។

ប្រាសាទ

ប្រាសាទតាកែវ ប្រាសាទតាព្រហ្ម ប្រាសាទនាគព័ន្ធ ប្រាសាទបន្ទាយក្តី ប្រាសាទបាពួន ប្រាសាទបាយ័ន ប្រាសាទប្រែរូប ប្រាសាទក្រវ៉ាន់ ប្រាសាទភ្នំជីសូរ ប្រាសាទបាណន់ ប្រាសាទកោះកេរ ប្រាសាទនាគព័ន្ធ ប្រាសាទបន្ទាយក្តី

ប្រាសាទសំបូរព្រៃគុប ប្រាសាទវិមានអាកាស ប្រាសាទបន្ទាយឆ្មារ ប្រាសាទព្រះខ័ន ប្រាសាទលលៃ ប្រាសាទបន្ទាយសំរ៉ែ ប្រាសាទបន្ទាយស្រី ប្រាសាទបាគង ប្រាសាទព្រះគោ ប្រាសាទព្រះវិហារ ប្រាសាទល្បើក ប្រាសាទអង្គរវត្ត ប្រាសាទមេបុណ្យខាងកើត